Bayer 04 Leverkusen dhe trajneri Xabi Alonso ndahen pas më shumë se dy vite e gjysmë së bashku. Kampionët e Gjermanisë, fituesit e DFB Pokal dhe Superkupës 2024, kanë përmbushur dëshirën e spanjollit për të ndërprerë kontratën e tij, e cila ishte e vlefshme deri në verën e vitit 2026.
“Me Xabi Alonson kemi shkruar një histori suksesi, vetëm duke fituar titullin e kampionit pa asnjë humbje në një mënyrë që nuk është parë më parë në futbollin gjerman,” tha Ëerner Ëenning, kryetar i komitetit të aksionarëve të Bayer 04. “Ai ka qenë një ambasador i jashtëzakonshëm në çdo moment si trajner, si për klubin tonë ashtu edhe për gjithë Bundesligën. Për këtë, jemi shumë mirënjohës ndaj Xabi Alonsos.”
CEO-ja Fernando Carro theksoi reputacionin sportiv që Bayer 04 ka fituar gjatë dy viteve e gjysmë të fundit si në vend ashtu edhe jashtë tij: “Bayer 04 ka fituar njohje të qëndrueshme në botën e futbollit falë suksesit të qëllimshëm nën drejtimin e Xabi Alonsos. Të sjellësh Meisterschale-n në Leverkusen pa asnjë humbje, plus fitimi i DFB Pokal, arritja në finalen e Europa League dhe fitorja në Superkupë na bëjnë shumë krenarë,” deklaroi Carro.
Simon Rolfes, drejtor sportiv, e vlerësoi epokën e Alonsos si një “pikë kthese në zhvillimin e Bayer 04 Leverkusen. Së bashku me Xabin kemi ndërtuar një ekip që ka impresionuar botën e futbollit me cilësinë dhe mentalitetin në fushë,” tha Rolfes. “Jemi krenarë për hapat e mëdhenj përpara dhe për nivelin ku ndodhet sot klubi dhe i urojmë Xabit gjithë të mirat në rolet e ardhshme. Jam i sigurt se rrugët tona do të kryqëzohen sërish.”
Për Alonson, ky shënon fundin e një kapitulli të shkëlqyer në karrierën e tij si trajner profesionist:
“U jam shumë mirënjohës Bayer 04 Leverkusenit, lojtarëve të mi dhe stafit, të gjithë punonjësve të klubit dhe, së fundmi por jo më pak të rëndësishëm, tifozëve të mrekullueshëm. Suksesi ynë ishte rezultat i një performance të jashtëzakonshme ekipore,” tha Alonso. “Ky klub, që tregoi një besim të jashtëzakonshëm tek unë, e meritonte vërtet ta fitonte titullin kampion të Gjermanisë për herë të parë. Falenderimet dhe admirimi im shkojnë për të gjithë ata që ndihmuan në arritjen e kësaj fitoreje, përfshirë edhe triumfin në DFB Pokal në Berlin,” tha Alonso.
Ish-repreznetuesi spanjoll pritet që ta zevendësojë Carlo Ancelotin ne krye të Real Madridit.
