Milani ka përditësime sa u përket informacioneve për gjendjen fizike të Alvaro Moratas dhe Luka Jovicit, lojtarë të thirrur përkatësisht nga Spanja dhe Serbia.
Fokusi kryesor ka të bëjë me sulmuesin spanjoll, i cili humbi ndeshjen me Cagliarin për shkak të një goditjeje që posi në kokë në stërvitje në një përplasje ajrore me Pavloviçin, dëmtim që e detyroi të shtrohej disa orë në spital për monitorimin e gjendjes.
Në orët në vijim, Alvaro do t’u nënshtrohet analizave përkatëse nga stafi mjekësor i kombëtares spanjolle dhe në bazë të rezultateve do të merret një vendim nëse ai do të qëndrojë apo jo nën urdhrat e De La Fuentes, i cili. do të flasë nesër në një konferencë për shtyp.
Teknikisht, në fakt, Morata nuk është hequr nga lista e kampionëve të Europës dhe vetëm pas testeve të mëtejshme do të kuptohet nëse ai do të mbetet te Spanja.
Para Cagliarit, Milani i kishte dërguar federatës spanjolle dokumentacionin spitalor, i cili përshkruante një prognozë 10-ditore, duke trajtuar ndër të tjera atë që protokolli i UEFA-s e identifikon si “tronditje”.
Situatë e ngjashme me Luka Jovicin. Sulmuesi serb, i cili po përballet me pubalgjinë, problem që e pengoi të fluturonte për në Cagliari, do të vlerësohet nga stafi mjekësor i kombëtares së tij dhe në bazë të rezultateve do të përcaktohet nëse do të qëndrojë apo jo me kombëtaren serbe.
