“Mendoj se është pak naive të thuash se ata po përpiqen të fitojnë Premier Ligën, sepse nga ku janë tani, ata janë shumë larg këtij qëllimi.” Këto fjalë nga Wayne Rooney, ish-legjenda e Manchester United dhe tani trajner, kanë shkaktuar diskutime në Angli orët e fundit, duke qenë se i drejtoheshin trajnerit të “Djajve të Kuq”, Ruben Amorim.
I pyetur për fjalët e Rooney-t dhe nëse ishte realiste të flitej për fitimin e titullit, Amorim u përgjigj: “Jo, ky është qëllimi. Të jesh naiv është të mendosh se do ta fitojmë titullin këtë vit ose se do të jemi pretendentët kryesorë për sezonin e ardhshëm. E di që tani të gjithë dinë gjithçka. E di që është shumë e lehtë. Edhe unë u bëra komentator dhe analist kur mbylla karrierën. Është diçka shumë e lehtë”.
Amorim përsëriti për BBC se fokusi i klubit është i qartë: “Qëllimi ynë është të fitojmë Premier Ligën. Ndoshta jo me mua, por qëllimi ynë si klub, si menaxhim, është të fitojmë Premier Ligën siç kemi bërë në të kaluarën me të gjitha lavditë dhe legjendat e mëdha të këtij klubi. Ne duam të bëjmë më mirë dhe e dimë se jemi në një moment të vështirë. Nuk jam naiv, prandaj po drejtoj Manchester United në moshën 40-vjeçare”, ka thënë tekniku portugez.
