Trajneri i Mançester Junajtid, Ruben Amorim, ka thënë që më mirë t’i jepte një vend në stol trajnerit të tij 63-vjeçar të portierëve në vend të Marcus Rashford për shkak të mungesës së përpjekjeve të lojtarit.
Sulmuesi anglez nuk është përfshirë në një skuadrën e United për gjashtë javë dhe ai u la jashtë edhe një herë për fitoren 1-0 të së dielës në Fulham në Premier League.
Me mbylljen e afatit kalimtar më 3 shkurt, është e paqartë se çfarë i pret e ardhmja Rashfordit, të cilin Amorim e kritikoi se nuk tregon qëndrimin e dikujt që “jep maksimumin çdo ditë”.
“Është gjithmonë e njëjta arsye – trajnimi, mënyra se si unë e shoh një futbollist duhet të bëjë në jetë. Është çdo ditë, çdo detaj”, tha Amorim, kur u pyet pse Rashford nuk ishte i disponueshëm.
“Nëse gjërat nuk ndryshojnë, unë nuk do të ndryshoj. Është e njëjta situatë për çdo lojtar, nëse bëni maksimumin dhe gjërat e duhura, ne mund të përdorim çdo lojtar. Mund të shihni se në pankinë na mungon pak ritmi në stol, por unë do ta vendos [trajnerin e portierëve të Manchester United, Jorge] Vital përpara një lojtari që nuk jep maksimumin çdo ditë”, ka shtuar ai.
Burime pranë Rashford ishin të bindur se 27-vjeçari nuk kishte asnjë problem me Amorimin dhe ishte i gatshëm të luante përsëri për klubin.
Shpresat për një lëvizje në AC Milan janë shuar nga ardhja e Kyle Ëalker pasi klubi italian mund të nënshkruajë vetëm një lojtar anglez këtë muaj.
Një huazim i mundshëm te Barcelona varet nga largimi i disa lojtarëve dhe as Eric Garcia dhe as Ansu Fati nuk kanë treguar shumë prirje për t’u larguar nga Nou Camp.
