“Kam frikë se lojtarët do të vuajnë pak nga ky rezultat”. Stefano Pioli e tha qartë pas barazimit të çmendur 2-2 me Bolonjën. Ishte një barazim që i bën keq Milanit. Një mundësi e humbur mes traversave, penalltive të humbura (dy në të njëjtën ndeshje nuk i kishin ndodhur kuqezinjve që nga viti 1955) dhe një mijë keqardhje, të cilat, siç e pranon vetë trajneri, rrezikojnë të kenë një ndikim të rëndë psikologjik për skuadrën.
Trajnerit do t’i duhet të punojë shumë dhe do t’i duhet ta bëjë mirë dhe shpejt, sepse Liga e Europës fillon më 15 shkurt, pas barazimit të së shtunës bëhet edhe më shumë objektivi i vetëm i sezonit tani e për ta përballuar sa më mirë. Pioli do të duhet të gjejë atë soliditetin mendor që në sezonin që i ka munguar gjithmonë.
Shumë përmbysje të pësuara, shumë pikë të lëna rrugës, shumë naivitete dhe kartonë, por mbi të gjitha shumë gola të pësuar: 25 në 22 ndeshje, pra dyfishi i atyre të Juves dhe 2.5 herë ata që ka pësuar Interi.
GABIME NË SERI –
Ndeshja kundër Bolonjës së Tiago Motës (i përjashtuar dhe i vërshëllyer nga “San Siro” që kujtoi të kaluarën e tij tek Interi) ishte edhe një tjetër shëmbëlltyrë e sezonit gjithmonë në fije të perit të Milanit, i cili pasi u rrëzua për shkak të shumë gabimeve individuale me golin e Zirkzes dhe pasi një tjetër penalltie të humbur nga Zhiru, pas asaj shumë të rëndë kundër Dortmundit, ekipi arriti me vendosmëri dhe gjithashtu me cilësi të kthejë lojën, pavarësisht një tjetër gabimi nga 11 metra nga Theo dhe një tjetër loje pa gola nga Leao.
Por më pas, si ndodhi në Leçe e Napoli, “djalli” u tregua i pambrojtur ndoshta edhe për shkak të supozimit të të menduarit se kishte futur në xhep fitoren. “Nuk ka të bëjë fare me fat të mirë apo të keq – shpjegoi Pioli. Bolonjës nuk duhet t’i kishim lënë mundësinë për penallti, nuk ishim thjesht numerikisht superiorë, por më shumë se aq. Me dhjetë lojtarë brenda zonës dhe nuk e ndihmuam në dyfishimin e markimit e nuk lexuam si duhej momentin”. E pafalshme.
DOPIO “L” DHE MERKATO –
Dy gola të tjerë të pësuar pas atyre në Udine dhe 25 deri tani në të gjithë kampionatin, shifra që e mbajnë Milanin shumë larg majës dhe gjithashtu lënë në hije lajmin e mirë të së shtunës, sepse Leao, pavarësisht se nuk shënoi, ishte i rrezikshëm dhe tregoi përkushtim, mbi të gjitha Loftus-Çik ka treguar se nëse dhimbja në ije e lë të qetë mund të jetë shkatërrues në Serinë A.
Pasi shënoi vetëm 1 gol në tri sezonet e fundit mes Çelsit dhe Fulhemi, mesfushori anglez është në kuotën 5 pas 18 ndeshjeve me “djallin” dhe vetëm një gol larg sezonit të tij më të mirë ndonjëherë (me Sarri në pankinë te Çelsi).
PANORAMASPORT.AL
