Futbolli është tema e ditës ku gjuha e urrejtjes raciste dhe ksenofobike në mediat sociale është më e përhapura, me mesazhe të drejtuara ndaj lojtarëve si braziliani Vinicius Zhunior ose Lamine Jamal.
Mesazhet janë të shumëllojshme ku ajo që bie në sy është përdorimi i një toni agresiv, urrejtjeve dhe përpjekjeve për të dehumanizuar viktimat. Kjo ka rezultuar nga një vëzhgim i buletinit të fundit të Observatorit Spanjoll të Racizmit dhe Ksenofobisë (Oberaxe) të Ministrisë së Përfshirjes, Sigurimeve Shoqërore dhe Migracionit, duke iu referuar janarit, muaj në të cilin 7% e gjuhës së urrejtjes së zbuluar lidhej me futbollin.
Mes përmbajtjes, buletini nxjerr në pah mesazhet e drejtuara ndaj Vinicius pas ndeshjes së Ligës të luajtur më 3 janar ndërmjet Valencias dhe Realit të Madridit në “Mestalla” dhe kundër Lamine Jamal, në lidhje me ndeshjen e Ligës midis Getafe dhe Barcelonës më 18 janar.
Për këtë observator është “veçanërisht e habitshme” që këto mesazhe u drejtohen personave të veçantë, zakonisht në kuadër të diskutimeve mes tifozëve të skuadrave të ndryshme.
PANORAMASPORT.AL
