Fitoret bindëse kundër Skocisë dhe Hungarisë hodhën themele të forta se Gjermania është gati për të përsëritur suksesin e vitit 2014 në arenë e futbollit ndërkombëtar. Por dueli me Zvicrën i ktheu me “këmbë në tokë”, jo vetëm tifozët, por edhe trajnerin Nagelsman apo edhe lojtarët.
MBROJTJA – Maksimilan Mitelshtad në miqësoret e muajt mars i habiti të gjithë me rendimentin e lartë, po prej asaj periudhe ai ka filluar të zbehet gradualisht. Thuajse çdo pasime kundër helevetëve nuk shkoi saktë në zonën mike. Joshua Kimish u përpoq të bënte më mirë, por jo të evidentojë si protagonist. Në golin e pësuar, si Rydiger dhe Tah kishin të dy faj. I pari që e lë të lirë krosimin e Frojler, ndërsa mbrojtësi i Leverkusen e humbi duelin me Ndoie. Panorama e mësipërme flet qartë se prapavija fut ende “ujë”.
MESFUSHA – Çuditërisht Toni Kros nuk e ngriti nivelin e lojës, sikurse i ndodhi dy takimet pararendëse. Mbulimi gati perfekt i Zvicrës në mbrojtje ia bllokoi rrezen në adresim të sulmit. Toni mbeti në statusin e “të zakonshmit”. Sapo Xhaka me shokë kaluan në avantazh, edhe Gyndoanit i ranë papritur “bateritë”. Nuk e kishte më qartësinë në pasime e shkurtra, apo vertikalizimet.
FORMACIONI – Julian Nagelsman ka marrë trajtën e një “diktatori” në formacion, zero ndryshim titullarësh në tri ndeshje. Në bazë të rendimentit krahas Zvicrës, inkuadrimi në lojë i Shloterbek, Raum dhe Fylkrug rezultuan “çelësi” i suksesit. Ata i ndryshuan “marshin” ekipit në ndërtimin e aksioneve nga mbrapa.
PANORAMASPORT.AL
