Trajneri i Real Madridit, Carlo Ancelotti dëshiron që Dani Carvajal të vazhdojë kontratën e tij me klubin, raporton AS. Sipas këtij burimi, Ancelotti pret që lojtari me përvojë i Realit ta vazhdojë kontratën edhe për një sezon, deri në qershor të vitit 2026.
Kontrata aktuale e Carvajal me madrilenët skadon në fund të sezonit.
“Carvajal ka një mundësi historike për t’u bërë kapiten. Kjo do të ndodhë kur Luka Modric të vendosë të largohet nga Reali. Askush nuk e di se kur do të ndodhë, por Carvajal pritet të jetë kapiteni i ardhshëm i Realit”, shkruan gazeta spanjolle.
Carvajal luajti 421 ndeshje për Realin dhe shënoi 13 gola dhe fitoi 26 trofe me klubin.
/GazetaBlic Sport
