Spekulimeve se Carlo Ancelotti do të largohet në fund të këtij sezoni nga Real Madridi tanimë iu vjen fundi.
Ishte vetë trajneri italian i cili e konfirmoi se do të qëndrojë te Reali edhe sezonin e ardhshëm, transmeton lajmi.net.
Ancelotti e ka njoftuar se Reali ka vendosur që të vazhdojë me të si trajner edhe në sezonin e ardhshëm.
“Jam takuar me Florentino Perez dje dhe ai po tregon besim tek unë, ai po më përkrah mua dhe punën time”, tha Ancelotti.
“Klubi më ka garantuar që unë do të qëndrojë, ne do të vazhdojmë këtë projekt së bashku, jemi të uritur për trofe”, shtoi më tej Ancelotti.
Ancelotti ka kontratë me Realin deri në verën e vitit 2024, por vazhdimisht lidhej me një largim nga gjiganti spanjoll, ndërsa tani këto spekulime kanë marrë fund pasi që italiani do të vazhdojë të ardhmen në “Santiago Bernabeu”./Lajmi.net/
