Përpara ndeshjes kundër Cadizi-it, trajneri i Real Madrid-it, Carlo Ancelotti deklaroi se qëllimi i tij është që ta fitojnë titullin e La Liga-s sa më shpejt të jetë e mundur.
Duke folur për mediet, tekniku italian u shpreh se kanë për të pasur një sfidë ët vështirë, duke ditur se Cadiz-i po Lufton që të mos bjerë nga kategoria.
“Objektivi që kemi është shumë i qartë, të shtojmë tri pikë për t’u afruar me fitoren e këtij kompeticioni. Në mendjen tonë kemi vetëm këtë qëllim. Nuk mendojmë se çfarë mund të ndodhë më pas, por vetëm për arritjen e objektivit tonë, që është të fitojmë kundër një ekipi që lufton për të shmangur rënien dhe që do të vijë në Bernabeu me gjithë entuziazmin dhe dëshirën për të fituar pikë”-u shpreh ai.
Më pas duke folur për qëllimin parësor të këtij sezoni, kreu i stolit të “Los Blancos” u shpreh se finalja e tyre është të mërkurën në Champions League, në gjysmëfinalen e dytë kundër Bayern Munich.
“Finalja që kemi parasysh është të mërkurën, kundër Bayern-it, ku do të luajë Lunin. Do të shohim më vonë”-deklaroi Carlo Ancelotti.
