Carlo Ancelotti beson se niveli i mprehtësisë taktike në La Liga është një nivel mbi Premierligën. Ai bëri këtë koment pas fitores 4:0 të Real Madridit ndaj Celta Vigos.
Pavarësisht gjërave të tjera, trajneri italian ende ndjen se La Liga është përpara Anglisë në aspektin strategjik.
“Është ndryshe. Kjo nuk do të thotë më mirë apo më keq. Ka më pak taktika. Në planin taktik, La Liga është shumë më e mirë se ajo angleze”, tha fillimisht ai, raporton “AS.
“Nëse flasim për intensitet, ritëm, liga angleze mund të ketë më shumë. Por, në Spanjë ka më shumë cilësi taktike”, deklaroi trajneri i Real Madridit.
Ancelotti ka punuar në të kaluarën edhe në Angli, me Chelsean dhe Evertonin.
64-vjeçari ka përvojë edhe në Itali, Francës e Gjermani, teksa është trajner që është shpallur kampion në të gjitha këto vende.
