Carlo Ancelotti foli për mediat në sallën e konferencave të Anfield në prag të përballjes Liverpool-Real Madrid, e vlefshme për fazën e grupeve të Ligës së Kampionëve.
“Do të jetë një ndeshje shumë argëtuese, si gjithmonë kur luajnë Reali dhe Liverpooli. Këto janë dy klube historike në këtë kompeticion. Çdo ekip ka karakteristikat e veta dhe do të shohim se cili ka karakterin dhe personalitetin për të triumfuar. Liverpooli është gjithmonë shumë konkurrues dhe i rrezikshëm. Ishin të tillë me Klopp dhe janë po ashtu tani me trajnerin e ri.”
Lëndimi i Vinicius: “Vinicius u lëndua në fund të ndeshjes. Nuk ka rëndësi se kur ndodhi, por ësht fakt që është i lënduar. Ai duhet të rikuperohet shpejt dhe ne duhet të mendojmë për lojtarët që do ta zëvendësojnë.”
Këshillat për formacionet: “Dëgjoj shumë këshilla, por mos harroni që kam drejtuar në 1,300 ndeshje, kam vendosur 1,300 formacione dhe kam bërë 4,000 zëvendësime. Askush nuk mund të më japë këshilla për këtë.”
Gjendja aktuale: “Jam mirë, njësoj si skuadra. Dy ndeshjet e fundit shkuan shumë mirë, kemi gjetur një nivel të mirë performancash. Jemi më të qëndrueshëm dhe ndihemi mirë. Kemi po aq besim sa gjithmonë, edhe kundër një skuadre shumë kërkuese. Kjo është një mundësi e shkëlqyer për të rikthyer formën tonë më të mirë. Do të jetë një ndeshje fantastike dhe skuadra do të jetë konkurruese nesër.”
Pozicioni i mbrojtësit të krahut: “Valverde bëri shumë mirë, por kjo ishte një zgjidhje emergjente sepse nuk kisha mbrojtës krahu. Lucas Vázquez është rikthyer dhe ishte në gjendje të mirë gjatë seancës së djeshme stërvitore. Ai do të ketë një seancë tjetër sot dhe është një opsion. Kjo ishte një mundësi që nuk e kisha kundër Leganés.”
Tabela e klasifikimit: “Do të shohim. Faza e grupeve është paksa ndryshe nga vitet e tjera. Ndeshja e nesërme do të jetë një ndeshje e madhe. Duhet të grumbullojmë pikë dhe në ndeshjet e ardhshme të marrim sa më shumë pikë për të qenë në një pozitë të mirë në tabelë. Nuk e di nëse mund të hyjmë në tetëshen e parë, sepse kemi humbur dy ndeshje dhe nuk do të jetë e lehtë.”
Alexander-Arnold: “Nuk mund të flas për Alexander-Arnold sepse nuk është lojtari im. Kam kujtime të mira nga Evertoni. Gjithmonë e trajtoj Liverpoolin dhe tifozët e tij me shumë respekt, por jam ende tifoz i Evertonit.”
