Edhe pse se është i lidhur vazhdimisht me Kombëtaren e Brazilit, trajneri i Real Madridit, Carlo Ancelotti ka thënë se ka kohë për të vendosur për të ardhmen e tij.
Kontrata e Ancelotti te madrilenët përfundon në fund të sezonit, ndërsa te Brazili gjashtëdhjetë e katër vjeçari shihet si kandidat i preferuar për të zëvendësuar ish-trajnerin Tite, i cili u largua pas eliminimit të të Brazilit në çerekfinale të Botërorit “Katar 2022”.
Real Madrid do të tentojë fitoren ndaj Villarrealit të dielën për ta parakaluar liderin e La Liga, senazcionin e këtij edicioni me emrin Girona.
“Gjëja që dua më së shumti është të përfundoj mirë këtë vit duke fituar këto dy ndeshje të mbetura, në mënyrë që të kemi një Krishtlindje të qetë”, ka thënë italiani.
“Ne kemi ende kohë për të menduar për vazhdimin e kontratës me Real Madrid”, pohoi ai.
