Trajneri i Real Madridit, Carlo Ancelotti ka komentuar debutimin e Jude Bellingham.
Bellingham është njëri ndër transferimet më të mëdha në vitet e fundit për gjigantin spanjoll.
‘Los Blancos’ paguan plotë 100 milionë euro për të marrë shërbimet e yllit anglez nga Borussia Dortmund.
Sot Jude bëri debutimin e tij në miqësoren që ‘Mbretërit’ e fituan 3:2 ndaj Milanit.
Ai shkëlqeu në atë përballje, teksa Ancelotti nuk hezitoi të thur lavde për të.
“Bellingham ka luajtur një lojë të mirë dhe skuadra duhet të mësohet me cilësinë e tij, e cila është e jashtëzakonshme. Vrapimet e Jude në zonë janë shumë të rëndësishme për ekipin. Më pëlqen sistemi, por ne kemi parë disa fusha për t’u përmirësuar”, ishin fjalët e trajnerit italian.
Real Madridi në ndeshjet parasezonale do përballet edhe me Manchester United, Barcelona dhe Juventus.
Vlen të përmendet që reprezentuesi anglez do të jetë pjesë e 14 herë kampionëve të Evropës për gjashtë vitet e ardhshme./Lajmi.net/
