Carlo Ancelotti është deklaruar rreth ndeshjes ndaj Bragas, që Real Madridi e zhvillon të martën e kësaj jave (nesër).
Trajneri italian bëri me dije se ai nuk do të bëjë shumë ndryshime në skuadër, por që do të shikojë nga lojtarët që janë më pak të lodhur nga ndeshja me Sevillën.
“Jo (nuk do ta ndërroj komplet skuadrën kundër Bragas)”, ka thënë Carlo Ancelotti për mediat.
“Megjithatë, nuk do të përdor të njëjtën gjë (taktikë) edhe pse luajtëm kundër Sevillas. Më duhet të vlerësoj lojtarët që janë të lodhur pas pushimit (ndërkombëtar). Disa pësuan goditje kundër Sevillas, kështu që do të shohim”, shtoi italiani.
Duket se Ancelotti është i vendosur të luajë një njëmbëdhjetëshe të fortë startuese kundër Bragas. Mbetet të shihet nëse strategu do të pushojë disa nga lojtarët kyç.
Real Madrid do të përballet me Barcelonën 5 ditë pas ndeshjes kundër Bragës. Barça do të ketë një ditë më pak për t’u rikuperuar, por ata e luajnë ndeshjen e tyre në Ligën e Kampionëve në shtëpi kundër Shakhtar Donetsk.
