Angel Di Maria i ka dhënë lamtumirën Argjentinës, pasi “rrëmbeu” Kupën e Amerikës këtë të dielë, ndërsa u shpreh se ëndërronte të fitonte titullin.
“Ishte shkruar, kështu ishte, u thashë djemve mbrëmë në darkë, se ishte Kupa e fundit e Amerikës dhe mbaroi këtu. Kam ëndërruar që të arrinim në finale, kam ëndërruar që të fitonim dhe jam tërhequr”, deklaroi ai në fund të ndeshjes së luajtur në stadiumin Hard Rock të Miami
Argjentina mundi Kolumbinë 1-0 me golin e Lautaro Martínez dhe u kurorëzua dy herë kampione.
Di Maria tha se megjithëse “duket e lehtë të shpallesh kampion kaq shumë herë, nuk është kështu”. “Nuk është e lehtë, të arrish në finale dhe t’i fitosh”, shtoi ai.
Angel Di Maria ka njoftuar tërheqjen e tij nga kombëtarja e Argjentinës pas një karriere 16-vjeçare me ulje dhe ngritje. I njohur si “El Fideo”, 36-vjeçari gjatë karrierës së tij mori pjesë në katër Kupa Botërore (2010, 2014, 2018 dhe 2022), duke arritur në finale në Brazil 2014 dhe përfundimisht duke fituar Kupën e Botës në Katar 2022.
PANORAMASPORT.AL
