“Nëse fitojmë, thjesht festojmë me elegancë”. Kjo është ftesa e lëshuar nga Ambasada Britanike në Argjentinë në një memo të brendshme unike dërguar menaxherit të mediave sociale të misionit diplomatik, e cila përshkruan disa rregulla sjelljeje pas ndeshjes Angli-Argjentinë.
Për të ulur tensionet rreth një ndeshje të tillë, Ambasada Britanike postoi një shënim të gjatë në mediat sociale: “Nëse Anglia fiton, thjesht festoni me elegancë. Nëse Argjentina fiton, përgëzojeni, urojini fat në finale dhe mos u shqetësoni duke zbuluar komplote të paqena”.
Ambasada Britanike në Buenos Aires, e udhëhequr nga David Seldon Cairns, është përpjekur për orë të tëra të përsërisë mesazhin e lojtarëve argjentinas dhe anglezë, të cilët theksuan që gjysmëfinalja të ishte thjesht një ndeshje futbolli, duke shmangur kështu ngatërresën me marrëdhëniet dypalëshe midis dy vendeve, të shënuara nga Lufta e Falklandeve e vitit 1982 dhe pretendimi i Argjentinës për sovranitet mbi ishujt.
Ministria argjentinase e Sigurisë ka marrë masa për të forcuar sigurinë në Ambasadën Britanike, me afërsisht 300 oficerë të Policisë Federale dhe një gardh rreth Pallatit Madero Unzué, ku ndodhet misioni diplomatik.
