Anglia fitoi Kampionatin Evropian për Femra për herë të dytë radhazi, duke mposhtur Spanjën në finale me penallti. Tri herë fituesja e Kampionatit Europian, Sarina Wiegman, trajnerja e Anglisë, rrëfeu për BBC Sport se ky ishte triumfi i saj më i vështirë: “Sidomos në fushë, me të gjitha sfidat që u përballëm kundër kundërshtarëve tanë. Që nga ndeshja e parë, ishte vërtet e vështirë. Ishte kaos, dhe të humbasësh ndeshjen e parë dhe pastaj të bëhesh kampione europiane është e pabesueshme”.
“Do të festojmë. Do të qajmë më vonë, kur ta kuptojmë. Ne dalim në fushë vetëm për të fituar çdo ndeshje dhe është vërtet bukur kur e bëjmë këtë. Isha vërtet krenare për ekipin dhe pashë sa shumë përpjekje bënë ekipi dhe stafi. Është thjesht e mrekullueshme të punosh me ta”.
