Telashe të reja për Antony. Sulmuesi anësor brazilian i Manchester United, i akuzuar për dhunë në familje dhe kërcënime fizike dhe psikologjike ndaj ish-partneres së tij Gabriela Cavallin, përballet me dy ankesa të reja, të paraqitura nga dy gra të ndryshme në Brazil.
Siç raportohet nga shypi vendas, një studente juridike tha se ishte shtruar në spital pas një sherri në maj të vitit të kaluar.
Ajo pretendon se është sulmuar nga Antony dhe Mallu Ohana, ish-gruaja e lojtarit brazilian Dudu, në makinën e sulmuesit, teksa po dilte nga një klub nate në Sao Paolo.
Dëshmia tjetër është nga një punonjëse banke, e cila në një intervistë ka folur për sulmin që pësoi në tetor. “Ai u përpoq të kryente marrëdhenie me mua dhe unë nuk doja. Më shtyu pas murit dhe godita fortë kokën.
