Álvaro Arbeloa u tregua shumë kritik ndaj arbitrimit të Alberola Rojas në Real Madrid-Girona 1-1 dhe theksoi se ky është një problem i vjetër. Ai u indinjua që nuk u dha penallti për Mbappé, i cili përfundoi me gjak pas goditjes me bërryl nga Vitor Reis. Sipas tij, ndeshja nuk u fitua për mungesë saktësie, por beson te përmbysja në Mynih.
Arbitrimi dhe rasti i Mbappé: “Për mua ndaj Mbappe ishte penallti këtu dhe në Hënë, madje mungon edhe një tjetër. Edhe një javë më shumë, kjo është ajo që kemi dhe kaq”. Pse nuk ndërhyri VAR: “Askush nuk e kupton, ndërhyn kur i leverdis. Është një aksion shumë i qartë. Këtë javë, ashtu si në Mallorca, e njëjta histori”.
Për ekipin: “Nuk ishte ndeshja më e mirë, por duhej të fitonim me rastet e krijuara dhe fare pak rreziqë që lejuam për kundërshtarin”. Përmbysja në Chjampions: “Duhet të përmirësojmë disa gjëra dhe të shkojmë në Gjermani për të fituar. Dua që lojtarët e mi të besojnë te përmbysja ndaj Bayernit. Edhe për titullin në La Liga duhet të luftojmë deri në fund”.
Humbjet: “Për të fituar duhet të japësh 200%, ndryshe ndodhin të tilla aksidente”. Carvajal: “Konkurrenca është e mrekullueshme, përfshin cilindo te Real Madridi”.
