Kapiteni i Kombëtares së Shqipërisë, Ardian Ismajli është gjithnjë e më larg Empolit dhe në afatin kalimtar të janarit pritet të largohet nga skuadra italiane.
Sipas mediumeve italiane, Ismajli pritet të transferohet te Napoli pasi po kërkohet me ngulm nga trajneri Antonio Conte që po e sheh si përforcim të duhur për mbrojtjen.
Në fakt, thuhet se Napoli ka mposhtur konkurrencën e Juventusit dhe Interit për Ismajlin, ndërsa së shpejti pritet të filloj negociatat me Empolin, ekip që po kërkon tre milionë euro për 28-vjeçarin.
Ismajli ka pasur paraqitje të mira këtë sezon dhe është ndër mbrojtësit më të vlërësuar në Serie A, ndërsa tek Empoli i është besuar edhe shiriti i kapitenit.
Ai është pjesë e Empolit prej vitit 2021 kur iu bashkua nga Spezia dhe ka kontratë deri në fund të këtij sezoni.
Deri më tani, Ismajli ka regjistruar 15 paraqitje në kampionatin italian kurse Empoli është i dhjeti në tabelë me 19 pikë.
