Erion Kajtazi është konsideruar një ndër futbollistët më premtues në Kosovë.
Kajtazi ka ndërruar jetë më 3 dhjetor të vitit të kaluar, kur ra pa vetëdije në fushë gjatë ndeshjes A&N – Trepça ’89, në kuadër të Superligës së Juniorëve.
Për nderë të tij është përuruar edhe një shtatorja në vendlindje Mitrovicë.
Kjo shtatore është ngritur më 3 dhjetor të këtij viti në njëvjetorin e ndarjes së tij nga jeta.
Lajmi.net ka folur me trajnerët dhe bashkëlojtarët, të cilët mes emocionesh kanë përkujtuar futbollistin e talentuar kosovar.
Ish-bashkëlojtari, Argjend Kadriu, ka bërë një tatuazh me nënshkrimin e tij, si dhe datën e vdekjes.
“Është një mungesë e madhe, pasi ai ka qenë lojtari më aktiv këtu. Por, jo vetëm si lojtar Erjoni na mungon edhe si person dhe për impaktin që e ka pasur edhe në dhomat e zhveshjes, pasi prania e tij ka qenë motiv shtesë, si për mua, si për lojtarët e tjerë. Do të jetë motivë shtesë, pasi çdo gol e çdo fitore i dedikohet atij”, tha ai.
Intervistën e plotë mund ta ndiqni në videon më poshtë. /Lajmi.net/
