Argjentina fitoi me rezultat 3-0 në shtëpi ndaj Kilit mëngjesin e sotëm (e premte), për të forcuar kontrollin e tyre në krye të kualifikimeve të Kupës së Botës 2026.
Kampionët e Copa America dukeshin dominues dhe të patrazuar nga mungesa e ‘senatorëve’ Lionel Messi dhe Angel Di Maria, i cili morën një nderim në stadiumin Monumental pas pensionimit të tij ndërkombëtar.
Pjesa e parë e ndeshjes u karakterizua me lojë më të mirë dhe më dominuese nga vendasit, por edhe përkundër rasteve portat mbeten të paprekura dhe ekipet shkuan në pushim me barazim 0-0.
Argjentina hapi rezultatin tre minuta pas pushimit, kur mesfushori i Liverpoolit Mac Allister dërgoi topin në rrjetë për 1-0 pas një krosimi të Julian Alvarez, i cili gjithashtu hyri në listën e shënimeve pasi tundi rrjetën në minutën e 84-të për 2-0.
Zëvendësuesi Paulo Dybala gjeti rrjetën në kohën e shtesë për të vulosur fitoren 3-0 që dërgon fituesit e Kupës së Botës në 18 pikë në vendin e parë, pesë më shumë se Uruguai i vendit të dytë.
Argjentina do të luajë në Kolumbi në një revansh të finales së Copa America të martën, ndërsa Kili pret Bolivinë, e cila mundi Venezuelën më herët gjatë ditës.
