Qendërsulmuesi Armend Misini largohet nga lideri i Ligës së Parë të Kosovës, Grupi A, Dinamo e Ferizajt.
Misini ka konfirmuar largimin dhe së shpejti do të përcaktohet për skuadrën që do t’i mbrojë ngjyrat në pjesën e dytë të kampionatit.
“Nga sot jam lojtar i lirë.
Falënderoj Dinamon, stafin e trajnerëve, bordin drejtues për korrektesinë gjatë kësaj kohe që kaluam së bashku.
Klubit i uroj suksese në të ardhmen, për të ardhmen time ju njoftoj ndërkohë”, ka bërë të ditur Misini.
