Sipas “La Gazzetta dello Sport”, Khvicha Kvaratskhelia tani është praktikisht një lojtar i Paris Saint-Germain. Pas një takimi vendimtar që u zhvillua dje në Monte Carlo mes Luis Campos dhe agjentit të lojtarit Mamuka Jugeli, marrëveshja është pranë përfundimit.
Edhe pse ka ende disa detaje për t’u rregulluar, transferimi duket se është finalizuar. Gjeorgjiani, një tjetër hero i titullit, largohet nga Napoli pas dy sezonesh e gjysmë.
Transferimi, shkruan gazeta italiane, do të realizohet për një shumë prej rreth 75 milionë euro (përfshirë bonuset), me PSG-në që ka zgjedhur të mos përfshijë kompensimin teknik dhe t’i afrohet kërkesës fillestare të Napolit prej 80 milionësh.
Marrëveshja mes Kvaras dhe klubit parisien ishte arritur verën e kaluar për një kontratë pesëvjeçare me vlerë 11 milionë në vit, plus bonuse, dhe paga e marrë ndoshta do të jetë afërsisht e njëjtë, me një komision bujar për agjentët.
