Arsenal ka arritur një fitore të thellë ndaj Real Madrid në ndeshjen e parë të çerekfinaleve të Champions League.
Ndeshja e luajtur në stadiumin “Emirates” në Londër ka parë një performancë të shkëlqyer nga skuadra e Mikel Arteta, e cila ka mposhtur skuadrën e Carlo Ancelotti me rezultatin 3-0.
Dy gola të shënuar nga Declan Rice (58′ dhe 70′), të dy nga gjuajtje të lira, dhe një gol tjetër i Mikel Merino (75′) kanë vendosur fatin e ndeshjes. Real Madrid, pavarësisht përpjekjeve të shumta, nuk ka arritur të shënojë dhe ka dështuar të krijojë rrezik për portën e kundërshtarëve.
Me këtë fitore të rëndësishme, skuadra e Arteta ka siguruar një avantazh të madh për ndeshjen e kthimit dhe ndodhet në një pozicion shumë të komod për të avancuar më tej në kompeticion. Ndërkohë, në ndeshjen tjetër të luajtur në të njëjtën kohë, Inter ka mposhtur Bayern Munich.
Të mërkurën zhvillohen edhe dy ndeshje të tjera: PSG kundër Aston Villa dhe Barcelona kundër Borussia Dortmund.
