Gjithçka është gati për supersfidën në stadiumin Emirates Stadium, ku Arsenal dhe Atletico Madrid kanë publikuar formacionet startuese për ndeshjen vendimtare që përcakton një vend në finale.
Takimi i parë i zhvilluar në Estadio Metropolitano ishte mbyllur me rezultat 1-1, ku të dy skuadrat gjetën rrugën e golit nga penalltitë, duke lënë gjithçka të hapur për ndeshjen e kthimit.
Te Arsenali, trajneri Mikel Arteta i beson skemës me treshe sulmuese Saka–Gyökeres–Trossard, ndërsa Eze vendoset pas tyre për të lidhur mesfushën me sulmin. Në portë starton Raya, ndërsa në mbrojtje rreshtohen White, Saliba, Gabriel dhe Calafiori. Në mesfushë luajnë Rice dhe Lewis-Skelly.
Ndërkohë, te Atletico Madridi, Diego Simeone zbret me formacionin më të fortë të mundshëm, me Oblak në portë dhe një vijë mbrojtëse të përbërë nga Pubill, Le Normand, Hancko dhe Ruggeri. Në mesfushë janë Simeone, Koke dhe Marcos Llorente, ndërsa sulmi udhëhiqet nga dyshja Alvarez–Griezmann, me mbështetje edhe nga Lookman.
Arsenal: Raya; White, Saliba, Gabriel, Calafiori; Rice, Lewis-Skelly, Eze; Saka, Gyökeres, Trossard.
Atletico Madrid: Oblak; Pubill, Le Normand, Hancko, Ruggeri; Simeone, Koke, Marcos Llorente, Lookman; Alvarez, Griezmann.
