Datat e FIFA-s për muajin mars nuk kanë ardhur në momentin e duhur për Arsenal, pasi janë plot 6 lojtarë, të cilët kanë refuzuar ftesën e kombëtareve respektive.
Gabriel Magalhaes lajmëroi ditën e djeshme Brazilin se nuk mund të grumbullohej pasi kishte pësuar një dëmtim në finalen e Carabao Cup.
Përveç mbrojtësit brazilian, kombëtareve respektive për shkak dëmtimi nuk i janë bashkuar edhe William Saliba, Leandro Trossard, Jurrien Timber dhe Eberechi Eze.
Javën e kaluar edhe Martin Odegaard u la jashtë listës nga komisari teknik i Norvegjisë pasi mesfushori nuk kishte rikuperuar në kohë dëmtimin në gju.
Edhe pse asgjë nuk dihet mbi shkallën e dëmtimit të lojtarëve mësohet se në rastin e Gabriel, Saliba dhe Trossard është vendosur që të mos udhëtojnë me kombëtaret respektive si masë mbrojtëse.
