Siç raporton “The Athletic”, trajneri i Arsenalit, Mikel Arteta ka nënshkruar një kontratë të re trevjeçare për të zgjatur qëndrimin e tij me “Topçinjtë” deri në vitin 2027.
Spanjolli iu bashkua Arsenalit në vitin 2019 dhe po shkonte në vitin e fundit të marrëveshjes së tij përpara se të binte dakord për kushtet e reja përpara derbit të Londrës veriore të dielën, më 15 shtator.
Arteta ka nisur një epokë të re suksesi në Emirates, duke fituar Kupën FA dhe Community Shield gjatë mandatit të tij dhe duke përfunduar i dyti në sezonet e radhës në Premier Ligë.
Skuadra e tij ka qenë sfiduesi më i afërt i Manchester Cityt gjatë dy viteve të fundit dhe po përgatitet për një tjetër betejë për titull në sezonin 2024/25. “Topçinjtë” kanë shijuar një fillim të fortë në sezonin aktual, me dy fitore dhe një barazim nga tre ndeshjet e tyre të para.
