Trajneri i Arsenalit, Mikel Arteta, është shprehur se fundi se Jose Mourinho ka pasur një ndikim në karrierën e tij.
Kjo deklaratë vjen pas krahasimit që Jamie Carragher bëri në media ku tha se trajneri spanjoll i “Topçinjve”, edhe pse ka qenë nxënës i Pep Guardiolës, i ngjan më shumë Jose Mourinhos.
Carragher tha: “Mikel Arteta po ngadalësohet duke u shndërruar në një trajner të tipit Jose Mourinho. Askush nuk mendonte se kjo do të ndodhte. Kjo nuk është një kritikë, ky është një vëzhgim se ku është Arsenali si ekip. Ndoshta kjo vjen nga fakti se ai tha se Arsenal duhet ta fitojë Ligën duke qenë skuadra më e mirë në mbrojtje”.
Ndërsa reagimi i Artetës është: “Mourinhon e kam njohur që kur kam qenë 15 vjeç, më ka trajnuar në Barcelonë. Ai ka fituar 28 tituj, është dikush për t’u admiruar. Mënyra se si e ka bërë atë, mënyra se si ai ka ndryshuar kulturën në klube, mënyrën se si e ka bërë në vende të ndryshme është e jashtëzakonshme”, tha Mikel Arteta.
