Trajneri i Arsenal, Mikel Arteta, u shpreh sot se Bukayo Saka duhet të jetë në gjendje për t’u përballur me Crystal Palace në ndeshjen që “topçinjtë” do të luajnë sot në mbrëmje ndaj Crystal Palace, në Premier League.
Saka u pa me akull në këmbë pasi u zëvendësua në fitoren e së dielës në Ipswich. Sipas trajnerit spanjoll, sulmuesi e ka lënë pas krahëve atë dëmtim dhe pritet të jetë rregullisht sot në fushën e lojës.
Arsenal ka nevojë për fitoret për të shmangur që Liverpool të kurorëzohet kampion i Premier League pa luajtur. “Duhet të presim dhe të shohim se si do të reagojë Bukayo Saka pas seancës së sotme, por nuk ka asgjë shumë serioze”, tha Arteta.
Duke folur për kontratën e Saka, e cila skadon në vitin 2027, lojtari dhe menaxheri kanë lënë të kuptohet për dëshirën e tyre të përbashkët për të zgjatur atë marrëveshje. “Kur të vijë koha do t’i bëjmë ato biseda”, tha Arteta.
“Unë mendoj se klubi është në krye të punëve dhe gjithçka është në vendin e duhur për ta shtyra më tej kontratën me Saka. Ai është i rëndësishëm dhe klubi e di këtë gjë”, u shpreh trajneri spanjoll i Arsenal.
