Një gol i ish-lojtarit të Juves dhe Interit, Arturo Vidal, i dha Colo Colo një barazim 1-1 në fushën e Copiaopò dhe me këtë sigurinë e titullit të 34-ët. Para se të festonin, lojtarët e ‘Cacique’, pseudonimi i skuadrës, prisnin përfundimin e ndeshjes që po luhej praktikisht në të njëjtën kohë mes Universidad de Chile dhe Everton, më pas shpërthyen duke e çuar drejt triumfit trajnerin Jorge Almiron.
Veçanërisht emocionues ishte Vidal, i quajtur edhe ‘el Rey’ në atdheun e tij, i cili në një moment filloi të qante, por gjithsesi arriti të thoshte se: “gjatë karrierës sime kam fituar shumë tituj, por asgjë nuk ishte si tani, në moshën 37 vjeçare duke qenë se u ktheva në shtëpi pikërisht për të përjetuar një emocion të tillë, më duket si ëndërr, mund të falënderoj vetëm ata që e realizuan gjithë këtë. Me zemrën, punën dhe sakrificat e tyre ja ku jemi.
“Tani ëndërroj të shkoj përtej çerekfinaleve, ku u ndalëm këtë vit, në Copa Libertadores. Më e mira do të ishte ta fitonim atë në vitin 2025, që do të jetë njëqindvjetori i klubit”.
