Kombëtarja e Kosovës sot e luan edhe ndeshjen e fundit të muajit qershor, në kuadër të kualifikimeve për Kampionatin Evropian 2024.
“Dardanët” do të ndeshen me Bjellorusinë në stadiumin “Szusza Ferenc Stadion” në Budapest me fillim nga ora 20:45, shkruan lajmi.net.
Të përzgjedhurit e trajnerit Alain Giresse vijnë pas tri barazimeve dhe opsion të vetëm për të mbajtur gjallë shpresat për kualifikim e kanë vetëm fitoren kundër Bjellorusisë.
Tifogrupi i Kombëtares së Kosovës, “Dardanët” nëpërmjet një postimi në faqen zyrtare kanë motivuar ekipin kombëtar.
“Dardanët” kanë shkruar se asgjë nuk ka mbaruar sa i përket gjasave për kualifikim në Evropian.
“Shpresa vdes e fundit. Asgjë s’ka mbaruar. Matematikisht jemi në lojë, dhe të konsiderueshme. Andaj, arsye s’ka. Angazhim po. Hajde Kosovë” – thuhet në postimin e Dardanëve.
Kosova ka tri pikë dhe renditet në pozitën e katërt të Grupit I në kualifikimet për Evropian.
Bjellorusia është e fundit me asnjë pikë të grumbulluar.
Kosova dhe Bjellorusia janë pjesë e Grupit I së bashku me Zvicrën, Izraelin, Rumaninë dhe Andorrën./Lajmi.net/
