Inzaghi i dha një mundësi dhe Kristjan Asllani nuk e zhgënjeu. Mesfushori shqiptar ishte regjisori i Interit në suksesin e thellë 5-0 në transfertë përballë Veronës.
Një paraqitje shumë e mirë për Asllanin, që dha edhe një asist (te goli i katërt) për De Vrij. Nuk ka histori sfida në “Bentegodi”. Zikaltërit shënojnë 5 gola që në pjesën e parë. Correa zhbllokon sfidën, Thuram shënon një dygolësh brenda 3 minutave, ndërsa rrugën e rrjetës e gjejnë edhe De Vrij dhe Bisseck.
Rezultati i tetë pozitiv radhazi për zikaltërit, që pas këtij suksesi ngjiten në krye të renditjes së Serisë A në kuotën e 28 pikëve (në pritje të ndeshjes së Napolit, që luan të dielën kundër Romës).
