Të pamposhtur në kampionat, dy trofe të fituar, një Champions League i munguar për çështje detajesh.
Sezoni i parë i Jorge Jesus në krye të Al Hilal ishte absolutisht për t’u mbajtur mend dhe klubi saudit nuk donte të rrezikonte, duke rinovuar menjëherë kontratën e trajnerit portugez.
Jesus do të qëndrojë në krye të këtij projekti ambicioz edhe sezonin e ardhshëm, me synimin për të arritur suksese të mëtejshme dhe për të ecur mirë në Botërorin e parë për Klube me 32 ekipe.
