Disa skuadra janë kandidate për vend të parë në Ligën e Parë të Kosovës, Grupi A dhe B.
Interesant është edhe në Grupin A, ku Dinamo e Ferizajt është kampione vjeshtore me 30 pikë por ka 7 pikë më shumë se Suhareka, 9 se Trepça ’89 dhe 10 se Drenica e Trepça.
Futbollisti me përvojë dhe anëtar i Dinamos, Astrit Fazliu, e pret një pranverë interesante në garën për vendin e parë.
“Dinamo ka bërë ndeshje shumë të mira dhe e ka mbajt hapin në mënyrë shumë të mirë.
Tashmë është distancuar nga skuadrat tjera ka një përparësi të madhe por ka ndeshje ende çdo gjë është e hapur”, thotë Fazliu për gazetën kombëtare “Bota sot”.
A e ndjeni presionin e Suharekës, Trepçës ’89 dhe Drenicës?
“Patjetër se Suhareka ka skuadër të mirë, Trepça ’89 dhe Drenica po ashtu kanë ekip të mirë dhe përvojë të madhe.
Deri në fund do të jetë një luftë e madhe, se cila do të futet në Superligë përmes vendit të parë apo barazhit”, ka përfunduar Fazliu.
