Sulmuesi me eksperiencë i skuadrës së trajnerit Simeone është objektivi i parë i klubit nga Florida
E ardhme amerikane për Antoine Griezmann. Sulmuesi francez i Atletico Madrid, 35 ndeshje këtë sezon me skuadrën spanjolle, është në bisedime me Orlando City të Major League Soccer, sipas “The Atletic”.
Griezmann, 34 vjeç, golashënuesi më i mirë i të gjitha kohërave për Atletico (210 gola), mund të zbarkojë më në fund në MLS, pas një diskutimi të nisur prej vitesh.
Merkatoja e MLS-së është hapur nga 26 janari deri më 26 mars, ndërkohë që ka edhe një sesion tjetër pastaj për periudhën 13 korrik-2 shtator. Griezmann kishte zgjatur kontratën me Atletico Madrid deri në 2027-ën qershorin e kaluar, por nuk duket më në qendër të projektit të klubit për të ardhmen.
