Seanca e fundit stërvitore e Barcelonës para takimit të sotëm kundër Atletikos është zhvilluar me shumë vonesë. Ajo ishte planifikuar të fillonte në orën 11:00, por blaugranat nuk u shfaqën në fushë deri në orën 11:45.
Nuk është e pazakontë që puna të fillojë me disa vonesa me raste, por asnjëherë kaq vonë. Shkak për këtë ka qenë një bisedë e gjatë dhe video në dhomat që ka tejkaluar pritshmëritë dhe ritmin e zakonshëm të analizave.
Barça luan sonte në mbrëmje ndeshjen e dytë gjysmëfinale të Kupës së Mbretit kundër Atletikos dhe pa dyshim që të gjithë e duan finalen e madhe tashmë që janë vetëm 90 minuta larg. Të parët që u shfaqën në stërvitje ishin portierët, të cilët zakonisht janë të parët që largohen nga dhoma e zhveshjes.
Hansi Flik pati dhe një bisedë kokë më kokë me Sheznin në fushë. Flik është i vetëdijshëm për rëndësinë e ndeshjes së Kupës së Mbretit kundër Atletikos, e cila mund të nënkuptojë një tjetër finale për blaugranët dhe ai nuk dëshiron të lërë asnjë detaj në ajër. Mungesat e konfirmuara të Flik për shkak të dëmtimeve për ndeshjen në “Metropolitano” përfshijnë Dani Olmon, Ter Shtegen, Mark Bernal dhe Mark Kasado.
PANORAMASPORT.AL
