Franca ka mundësinë të shënojë në çdo moment dhe me çdo mënyrë të mundshme. Ky është një fakt dhe Austria do t’i ruhet, duke u munduar ta godasë rivalin. Për këtë garanton Marsel Sabicer.
Mesfushori austriak, në konferencë për shtyp, për më tepër, ka deklaruar: “Në këtë fazë të grupeve, Franca do të jetë kundërshtari ynë më i vështirë. Ajo është një nga favoritet kryesore dhe ka një skuadër të jashtëzakonshme me konkurrencë të fortë në çdo pozicion. Të gjithë lojtarët e saj luajnë ndër klubet më të mëdha në Europë ku luajnë një rol të madh, si Zhiru te Milani, Grizman te Atletiko e Madridit ose Komani te Bajernit, për të mos përmendur Kilië Mbapenë që e njohin të gjithë. Nuk është rastësi që ata fituan Kupën e Botës 2018 dhe arritën në finale në 2022 në Katar, prandaj ne do të duhet të bëjmë një ndeshje perfekte për të arritur një rezultat pozitiv”.
PANORAMASPORT.AL
