Përpara ndeshjes Barcelona-PSG, Lamine Yamal kishte tërhequr vëmendjen në rrjetet sociale me një postim provokues.
I ulur me fanellën e Spanjës, talenti i ri katalanas kishte shkruar: “Presion?” dhe kishte premtuar të “sulmonte fort” kundër kampionëve evropianë.
Mesazhi u hoq shpejt pasi humbi ndeshjen dhe padyshim që nuk kaloi pa u vënë re nga parisienët, ashtu si edhe komentet e Pedrit, të cilat vlerësonin forcën e Barcelonës.
Pas ndeshjes, Gonçalo Ramos, i cili shënoi golin e fitores për PSG-në, e hodhi poshtë provokimin me ironi: “Ne jemi kampionë evropianë, kjo është e gjitha që mund të them. Nëse je më i miri, e tregon në fushë, jo me fjalë”.
Vitinja përsëriti këtë ndjenjë: “Shpesh ndodh që njerëzit bëjnë komente para ndeshjeve. Ne nuk mendojmë për këtë, thjesht duam të luajmë. Ne fituam dhe jemi të lumtur.”
Mesfushori portugez më pas theksoi forcën kolektive të ekipit: “Është e pabesueshme, jam krenar për këtë grup. Edhe pa pesë titullarë, me lojtarë të rinj dhe ata që luajnë më rrallë, arritëm ta përmbysnim ndeshjen kundër një prej ekipeve më të mira në Evropë. Ky është një deklaratë e shkëlqyer nga ekipi ynë”, përfundoi ai.
