Juventusi është në pritje të një vendimi nga UEFA dhe siç është raportuar më herët, me shumë gjasa do të ketë përjashtim nga Kupat e Europës. Bardhezinjtë e mbyllën sezonin në vendin shtatë, duke siguruar pjesëmarrjen në Ligën e Konferencës për shkak të heqjes së 10 pikëve.
Avokati italian, Mauricio Paniz ka folur për “Tutto Mercato Radio” në lidhje me situatën e Juventusit. Ai ka lënë të nënkuptohet se UEFA mund të mos e dënojë me përjashtim nga Europa, por në fakt vetë dëshira e torinezëve është që të jenë jashtë.
“Ka shumë kontradikta. UEFA do të donte që Juventusi të marrë pjesë në Ligën e Konferencës sepse është një vlerë e shtuar për rëndësinë e kompeticionit, por vetë Juventusi nuk ka dëshirë të marrë pjesë në një kompeticion të tillë sepse kushton shumë, në kohë dhe në merkato.
Juventusi do të përdorë, si gjithmonë, një filozofi shumë të qartë: të gjithë janë të transferueshëm me kusht që të bëhet oferta e duhur. Ky rregull vlen gjithmonë dhe do të zbatohet edhe në këtë merkato transferimi për bardhezinjtë”, u shpreh Paniz.
PANORAMASPORT.AL
