Sipas raportimeve të fundit nga “Sky Germany”, thuhet se Bajern Mynih do ta shesë mesfushorin e saj, Xhoshua Kimish, në fundin e këtij sezoni. Mësohet se janë hedhur menjëherë në garë 5 klube të mëdha europiane për të blerë kartonin e gjermanit.
Kontrata e Kimish mbaron në verën e vitit 2025, dhe asnjë palë, si Bajern po ashtu edhe lojtari, nuk kanë bërë ndonjë hap para për rinovimin e saj. Kampionët në fuqi të Gjermanisë, janë të gatshëm ta shesin 29-vjeçarin, sapo t’i ofrohet një shumë e mirë.
Gjermani ka shumë eksperiencë dhe është ndër më të mirët në botë për sa i përket pozicionit të tij. Menjëherë 5 ekipe kanë shprehur interes dhe ata cilat janë: Barcelona, Mançester Siti, Arsenal, Real Madrid dhe Liverpul, me disa që raportohet që kanë nisur që tani kontaktet me mesfushorin.
Xhoshua Kimish, u ble nga Bajern Mynih tek Laipzig në verën e vitit 2015, për shifrën e 9.2 milionë eurove. Që atëherë, është bërë një legjendë e klubit bavarez, me të cilët është shpallur 9 herë kampion i Gjermanisë dhe ka arritur të fitojë edhe një herë Ligën e Kampioneve.
PANORAMASPORT.AL
