Barcelona nuk ka arritur më shumë se një barazim 1-1 në udhëtim te Getafe të shtunën mbrëma.
Por barazimi mbeti në plan të dytë, pasi mbrojtësi i Barcelonës, Alejandro Balde është fyer në baza racore.
Ka qenë vet mbrojtësi i majtë që pas ndeshjes e ka konfirmuar një gjë të tillë dhe deklaroi se e kishte njoftuar edhe gjyqtarin.
“Unë do të bëj një ankesë sepse kam marrë shumë ofendime raciste në këtë stadium,” tha Alejandro Balde pas ndeshjes Getafe – Barcelona.
“E informova edhe gjyqtarin për këtë, por përsëri në pjesën e dytë pati ofendime të tilla”, deklaroi anësori spanjoll.
Racizmi është një plagë e neveritshme në futboll dhe është e trishtueshme që sërish në Spanjë ka raste të tilla.
Balde ishte mbresëlënës kundër Getafes, por ai pati disa grindje me lojtarët vendas.
Kjo ishte ndoshta arsyeja pse tifozët e Getafes në Colosseum në Madrid e ofenduan atë në baza racore.
