Duke folur në një intervistë për “The Times”, Gareth Bale ka zbuluar arsyen e transferimit në Real Madrid.
“Transferimi im në Madrid? Nuk jam penduar, kam marrë absolutisht vendimin e duhur.
“Ishte arsyeja pse u bashkova, për të luajtur së bashku me Cristiano Ronaldo dhe Karim Benzema. Gjithashtu të tjerët pas tyre si Luka Modric, Xabi Alonso dhe më pas Toni Kroos”, ishin fjalët e uellsianit.
Bale mbërriti në Madrid në vitin 2013 për një shifër rekord prej 100 milionë eurosh.
Pas nëntë viteve të kaluara në ‘Santiago Bernabeu’, ai fitoi plot pesë tituj të Ligës së Kampionëve.
Si pjesë e treshes historike të BBC-së, Gareth shënoi 106 gola, si dhe 67 asistime në 258 paraqitje për ‘Mbretërit’./Lajmi.net/
