Kampionati spanjoll ka nisur sot me një futbollist shqiptar në fushën e lojës në ndeshjen hapëse të tij. Ivan Balliu ishte pjesë e Rajo Vajekano në suksesin që ky i fundit shënoi në transfertë ndaj Almerias.
Dy penallti në pjesën e parë të duelit të realizuara nga Pelazon dhe Nteka i dhanë Rajos këtë sukses të rëndësishëm për ta nisur edicionin me këmbën e mbarë, teksa duhet kujtuar se objektivi për këtë vit është të tentojë pjesëmarrjen në kompeticionet europiane.
Balliu, si zakonisht titullar dhe në fushë gjatë 90 minutave, ishte ndër lojtarët më të vlerësuar të ekipit të tij.
Sipas statistikave të përmbledhur nga “SOFASCORE”,
Balliu është vlerësuar me notën 7,3 për atë që ka dhënë në fushën e lojës, teksa ishte shumë aktiv si zakonisht në mbrojtje dhe sulm në krahun e djathtë.
