Ballkani më 5 tetor do ta zhvillojë ndeshjen e radhës në Ligën e Konferencës ndaj Dinamo Zagrebit në sfidën që zhvillohet në stadiumin “Fadil Vokrri” në Prishtinë, shkruan Lajmi.net.
Kjo është ndeshja e dytë e Ballkanit në fazën e grupeve.
Ballkani ndeshjen e parë e humbi nga Viktori Plen në Çeki me rezultat 1:0.
Klubi nga Theranda njoftoi sot se biletat mund t’i blini vetëm përmes platformës online. Çmimet e biletave janë nga 3 deri në 50 euro.
Njoftimi i plotë i klubit të Ballkanit:
“VINI RE!!!
Super ndeshja evropiane po afron!
Biletat për takimin ndërmjet Ballkanit dhe Dinamo Zagrebit, tashmë janë në shitje.
Ato mund t’i siguroni VETËM përmes platformës online, në linkun e mëposhtëm:
https://eu.ebileta.al/biglietteria/listaEventiPub.do
Mos harroni, nuk do të ketë shitje në forma fizike, por vetëm online.
Për ndeshjen e dytë të grupit C në UEFA Conference League, çmimet e biletave janë këto:
Për tribinat Veri dhe Jug 3 euro, atë të Lindjes 5 euro, në Perëndim 10 euro. Ndërkaq çmimi për VIP bileten është 50 euro (ku përfshihet edhe katering).
Përballja e dy kampionëve, nga Kosova e Kroacia, zhvillohet më 5 tetor në stadiumin “Fadil Vokrri” në Prishtinë, me fillim në orën 18:45.
Mos harroni, një person mund të blejë deri në katër bileta. Pasi ta siguroni atë, patjetër duhet të jetë e printuar në formatin A4 dhe me kualitet të lartë.
Eja dhe mbështete rrugëtimin evropian të Ballkanit, mbështete kampionin e Republikës
Na priftë e mbara”. /Lajmi.net
