Faza e dytë e kampionatit nis sot në Superligën e Kosovës në futboll.
Ballkani – Liria do të përballen sot në Suharekë, në kuadër të javës së 10-të kampionale, shkruan lajmi.net.
Kjo sfidë njëherit është e vetmja që luhet të premten (sot), ndërsa katër tjerat luhen të shtunën dhe të dielën.
“Portokallezinjtë” konsiderohen favorit për të triumfuar ndaj Lirisë, ekipit prizrenas që nuk po kalon formë të mirë.
Për shkak se në elitën e futbollit kosovar bëjnë gara 10 skuadra, edicioni zhvillohet në katër faza.
Ballkani ka 20 pikë në pozitën e parë, ndërkohë Liria zë vendin e parafundit me gjashtë pikë gjithsej.
Përballja në stadiumin e qytetit në Suharekë nis nga ora 13:00./Lajmi.net/
