Ballkani ka shënuar fitore në derbin lokal ndaj Suharekës me rezultat 3:1.
Almir Kryeziu dhe Sunday Adetunji shënuan për Ballkanin në pjesën e parë për epërsinë e dyfishtë.
Një gol i bukur i Ismajlgecit e trefishoi epërsinë e Ballkanit në minutën e 73-të. Krejt çfarë arriti të bëjë Suhareka ishte goli i nderit i shënuar nga Endrit Krasniqi në minutën e 77-të.
Me këtë fitore, Ballkani shkon në kuotën e 47 pikëve në vendin e dytë, 13 më pak se Drita që prin.
Në anën tjetër, Suhareka mbetet e shtata me 32 sosh. Fitore sot shënoi edhe Gjilani që mposhti minimialisht Ferizajn 1:0.
Gligorov shënoi golin e vetëm në minutën e 81-të të takimit. Me këtë fitore, Gjilani shkon në vendin e katërt me 38 pikë të grumbulluara. Kurse, Ferizaj mbetet i gjashti me tri pikë më pak.
