Kërkohej fitorja nga të dyja skuadrat, ama në fund asgjë nuk shkoi më shumë se barazimi spektakolar, 2-2.
Kjo është “pasqyra” e përballjes, mes “Ballshjotëve” të Bylisit dhe “Bardhebluve” të Tiranës, e cila me “festivalin” e golave, që pa realizime të magjishme.
Ishin vendasit ata të cilët kaluan në avantazh me roveshatën e Përgjonit në pjesën e parë dhe ruajtën epërsinë deri në minutat e fundit të ndeshjes, mirëpo në minutën e 83-të protagonist u bë Ndreca i cili barazoi rezultatin me një parabël mbi portieri Hasanbelli e më pas përmbysi shifrat vetëm 3 minuta para fundit të kohës së rregullt.
Dukej se Tirana po merrte fitoren e parë në këtë kampionat, por ishte përsëri një roveshatë që prishi planet e saj, këtë herë nga Ruçi në minutën e 5’-të shtesë, për të vulosur barazimin 2-2 përfundimtar të kësaj sfide, duke i lënë “Bardheblutë”, me barazimin e katërt, në 4 javët e para të Superiores. /i.m /abcnews.al
