Arrigo Saki nuk kursehet për kritika. Nuk e ka bërë për klubet e nuk toleron as kombëtaren italiane pas barazimit mediokër kundër Maqedonisë së veriut.
“Është e papranueshme që një kombëtare si ajo italiane të bëjë të duket një ekip të madh Maqedoninë. Sulmuesit lëvizën mirë, por në kaq pak ditë nuk mund t’i kërkohej Spaletit një mrekulli. Pa dyshim është një trajner i madh, por jo një magjistar. Ai mori një ekip që me sa duket nuk ishte në lartësinë e detyrës. Ai ndoshta nuk i njihte të gjithë lojtarët nga pikëpamja e karakterit. Është e nevojshme të zgjidhen elementë të besueshëm, të krijohet një kolektiv siç bëri me Napolin. Një trajner nuk ka kohë të ndryshojë mentalitetin e lojtarëve, ai duhet të fokusohet tek burrat që janë në dispozicion dhe që interpretojnë më së miri idetë e tij. “, ka deklaruar ish-trajner i Milanit dhe kombëtares “axurre”.
PANORAMASPORT.AL
